Terza pagina
Concorso a premi: «Cu è lu cchiù carnaluvari di Vizzini?»
Nti lu nostru beddu paiseddu, annu appressu annu, li boni tradizzioni nun si vannu
mai addipirdennu. Stammu nti chiddu ca hà addivintatu (arringrazziamu lu Signuri
nzinu a quannu putemu ancora diri ca è chissu!) un purtusu di Sicilia ca mori ogni
jornu sempri cchiossai, nti sta terra tanti nichi cumuna sunnu nti lu stissu munzeddu
di ossa, sempri antrucciuniannu li jita e spirannu ca quarchidunu si nni putissi
arrivari a sarvari di stu pirsistenti e dannificu statu di culunialìsimu... comu
nn'avìssimu a cumpurtari pi canciari n'anticchiedda la situazzioni? Faciti santu
cu lu sapi! Turismu diciti? Fondi spiciali di l'Unioni Eurupea? Avemu aspittari
la carità di lu Statu Talianu? Chissa mi sta parennu ca è la sunata.
Nti lu frattempu nn'avemu ammòviri tutti fermi a cuntinuari a jisari a l'aria li nostri maistusi e nfinuti castiddi di carta, ammuntannu a tutti banni paraventi, tindini e tinduzzi pi nun fari passari mancu lu cchiù nicu ciusciu di friscura p'addifènniri li nostri beddi disìa di futuru. Tutti si pìgghianu la lauria e si nni vannu, addivèninu maggiurenni e ssi nni vannu, ccà nun cc'è nenti chi fari: o la zappa o la chiazza!
Ccu tuttu chistu, avemu a èssiri pi daveru cuntenti di dillu, li tradizzioni non mòrinu, mancu ntra li cchiù carusi ca, boni boni, vannu ad addivintari pricisi e stampati comu li patri. A li fistini si fannu li sciarri a sangu, pi li Morti abbisogna "jucari" ccu li pistoli a gummini, quarcunu spertu macari cci accatta a sò figghiu chiddi a gas: vinci cui struppìa cchiossai lu pròssimu e cci arrinesci a fari quarchi difettu. Nun cc'è chi proccupàrisi: semu a Vizzini, si ponnu fari tutti cosi. Pinzati ca forsi mi staju allargannu n'anticchiedda tropp'assai e ca sunnu sulu jochi di picciriddi? Vabbeni, forsi aviti raggiuni. È nurmali ca un picciriddu s'hà anzignari a sparari e a struppiàrini n'autru, è nurmali pi un picciriddu turnari a casa chinu di bulli (lu puntu ca piaci cchiossai comu ubbittivu è la facci, picchì ddà si ponnu abbìdiri li difetti senza ca unu li po' ammucciari), è nurmali ca li picciriddi stannu criscennu cchiù zaurdi di li ginitura. Chista è la sucità vizzinisa, chistu è chiddu ca nti lu futuru putemu jiri a cògghiri tutti pari pari nti li nostri strati.
Chi diri, appui, di lu Granni Carnaluvari vizzinisi? Mancu Vinezzia e Rio de Janeiro cci nni ponnu! Ammustramu 'n picca righi chi è ca succedi nti lu nostru paiseddu pi lu carnaluvari: la tradizzioni voli ca li picciriddi s'hannu a vèstiri di picurari mascarati, hannu a firriari pi lu paisi ccu grossi campani e longhi vastuna (sunnu validi armi p'addifinnìrisi di cui s'arribbella!), hannu allattari l'autri genti ccu ddi assurdi bomboletti di schiuma dannifica pi occhi, peddi e robbi e hannu a tirari ova, fialetti fitusi e, sintiti sintiti sintiti, partualla fràciti (!). Nu piriudu, li cosi giusti, pi daveru bellu, veni lu piaciri a nèsciri di sira! «Avanti, accàpila! Chi cci poi fari? Hà statu sempri di sta manera!». Vabbeni, nun haju a parrari, sugnu comu na carcarazza ca jetta sempri vuci, fazzu parrari a li fatti no a li palori. Canciu li noma di li pirsunaggi, pi bona curtisìa, ma vaju a parrari di fatti succiuduti pi daveru.
Januzzu, 19 anni, torna ogni simana a Vizzini di Catania unni, comu tanti autri carusi, va a l'Univirsità. Lu sàbbatu sira, lu sapi iddu chi cci dissi la testa, penza di fàrisi nu giru di lu viali. Senti scrusciu di campani, vuciati forti, picciriddi ca scàppanu, tutti li machini fermi. Chi sta succiudennu? Nenti, penza, è Carnaluvari. Nun fa mancu vinti metri di strata e na "mànnira" di picciriddi si mèttinu ammenzu a la strata e nun lu fannu passari. Lu carusu penza «cci fazzu na risatedda e ora si lèvanu», nun succedi comu s'avìa ammagginatu. Attàccanu a cafuddari pidati nti la machina, sprùzzanu tutti li vitra 'n manera ca nun po' abbìdiri nenti, cci gràpinu li spurtella, lu sprùzzanu nti la facci, annurbànnilu, e quannu hannu fattu cchiù dannu pussibbili si nni vannu. Chistu fu lu primu di lu cùntura ca mi foru fatti, cci nn'è macari nu secunnu d'annincari.
Giuvanninu, 65 anni, è pinziunatu, hà fattu na vita lu muraturi e ora finarmenti si godi lu miritatu riposu. Duminica sira, nti lu mentri ca torna a casa pi jiri a manciari, doppu avìrisi passatu lu tempu a la Sucità Upiraia, passa pi lu viali. Iddu sapi di sti picciriddi ca gràpinu li spurtella e, pi chistu, metti a tutti banni li sicuri. Disgrazziatamenti cci veni pitittu di fumàrisi na sigaretta, grapi mità finistrinu pinzannu ca propiu a iddu, anzianu pi comu è, nun cci l'hannu la facci di scumpunillu. Mancu a dillu! Stissu fattu di prima, a matassa vannu a spruzzallu nti la facci pi dda filinìa di finistrinu graputu, cci va nti l'occhi, nti la vucca, nti la nasu, cci veni quasi quasi di scuncirtari, duna un corpu nti l'accilliraturi, ca quasi quasi si metti na para di picciriddi sutta, e scappa. Capisciu ca lu fumu hà èssiri cunnannatu, pirò...
Chi pinzari di sti cosi? Comu s'avissi a cumpurtari unu? Cci duna na muffuletta a un picciriddu, accussì ca appui a l'indumani, canuscennu la spirtizza di li vizzinisi, si vidi spuntari lu patri davanzi a la porta ca cafudda pugna e càuci? Vulissi tantu sapillu pi sapiri comu m'avissi a cumpurtari macari ju, la mè machina avìa statu purtata a lavari tri jorna fa e mi l'attrovu tutta schifiata. Oltri di cunzigghiari sempri di mittìricci li sicuri quannu passati di lu viali nun haju propiu chi dìrivi.
Vizzini a mia pari ca addiventa ogni annu sempri cchiù dilinquenti, chisti sunnu nichi cosi ca vannu a picca a picca a fari acchianari l'arteri. Si nun s'arrinesci a cuntrullari sti cosi comu è pussibbili aviri fiducia di putiri custruiri nu sanu futuru nti na terra china di anarchìa e vacanti di senziu? Lu futuru è di cui fa lu prisenti.
Nti lu frattempu nn'avemu ammòviri tutti fermi a cuntinuari a jisari a l'aria li nostri maistusi e nfinuti castiddi di carta, ammuntannu a tutti banni paraventi, tindini e tinduzzi pi nun fari passari mancu lu cchiù nicu ciusciu di friscura p'addifènniri li nostri beddi disìa di futuru. Tutti si pìgghianu la lauria e si nni vannu, addivèninu maggiurenni e ssi nni vannu, ccà nun cc'è nenti chi fari: o la zappa o la chiazza!
Ccu tuttu chistu, avemu a èssiri pi daveru cuntenti di dillu, li tradizzioni non mòrinu, mancu ntra li cchiù carusi ca, boni boni, vannu ad addivintari pricisi e stampati comu li patri. A li fistini si fannu li sciarri a sangu, pi li Morti abbisogna "jucari" ccu li pistoli a gummini, quarcunu spertu macari cci accatta a sò figghiu chiddi a gas: vinci cui struppìa cchiossai lu pròssimu e cci arrinesci a fari quarchi difettu. Nun cc'è chi proccupàrisi: semu a Vizzini, si ponnu fari tutti cosi. Pinzati ca forsi mi staju allargannu n'anticchiedda tropp'assai e ca sunnu sulu jochi di picciriddi? Vabbeni, forsi aviti raggiuni. È nurmali ca un picciriddu s'hà anzignari a sparari e a struppiàrini n'autru, è nurmali pi un picciriddu turnari a casa chinu di bulli (lu puntu ca piaci cchiossai comu ubbittivu è la facci, picchì ddà si ponnu abbìdiri li difetti senza ca unu li po' ammucciari), è nurmali ca li picciriddi stannu criscennu cchiù zaurdi di li ginitura. Chista è la sucità vizzinisa, chistu è chiddu ca nti lu futuru putemu jiri a cògghiri tutti pari pari nti li nostri strati.
Chi diri, appui, di lu Granni Carnaluvari vizzinisi? Mancu Vinezzia e Rio de Janeiro cci nni ponnu! Ammustramu 'n picca righi chi è ca succedi nti lu nostru paiseddu pi lu carnaluvari: la tradizzioni voli ca li picciriddi s'hannu a vèstiri di picurari mascarati, hannu a firriari pi lu paisi ccu grossi campani e longhi vastuna (sunnu validi armi p'addifinnìrisi di cui s'arribbella!), hannu allattari l'autri genti ccu ddi assurdi bomboletti di schiuma dannifica pi occhi, peddi e robbi e hannu a tirari ova, fialetti fitusi e, sintiti sintiti sintiti, partualla fràciti (!). Nu piriudu, li cosi giusti, pi daveru bellu, veni lu piaciri a nèsciri di sira! «Avanti, accàpila! Chi cci poi fari? Hà statu sempri di sta manera!». Vabbeni, nun haju a parrari, sugnu comu na carcarazza ca jetta sempri vuci, fazzu parrari a li fatti no a li palori. Canciu li noma di li pirsunaggi, pi bona curtisìa, ma vaju a parrari di fatti succiuduti pi daveru.
Januzzu, 19 anni, torna ogni simana a Vizzini di Catania unni, comu tanti autri carusi, va a l'Univirsità. Lu sàbbatu sira, lu sapi iddu chi cci dissi la testa, penza di fàrisi nu giru di lu viali. Senti scrusciu di campani, vuciati forti, picciriddi ca scàppanu, tutti li machini fermi. Chi sta succiudennu? Nenti, penza, è Carnaluvari. Nun fa mancu vinti metri di strata e na "mànnira" di picciriddi si mèttinu ammenzu a la strata e nun lu fannu passari. Lu carusu penza «cci fazzu na risatedda e ora si lèvanu», nun succedi comu s'avìa ammagginatu. Attàccanu a cafuddari pidati nti la machina, sprùzzanu tutti li vitra 'n manera ca nun po' abbìdiri nenti, cci gràpinu li spurtella, lu sprùzzanu nti la facci, annurbànnilu, e quannu hannu fattu cchiù dannu pussibbili si nni vannu. Chistu fu lu primu di lu cùntura ca mi foru fatti, cci nn'è macari nu secunnu d'annincari.
Giuvanninu, 65 anni, è pinziunatu, hà fattu na vita lu muraturi e ora finarmenti si godi lu miritatu riposu. Duminica sira, nti lu mentri ca torna a casa pi jiri a manciari, doppu avìrisi passatu lu tempu a la Sucità Upiraia, passa pi lu viali. Iddu sapi di sti picciriddi ca gràpinu li spurtella e, pi chistu, metti a tutti banni li sicuri. Disgrazziatamenti cci veni pitittu di fumàrisi na sigaretta, grapi mità finistrinu pinzannu ca propiu a iddu, anzianu pi comu è, nun cci l'hannu la facci di scumpunillu. Mancu a dillu! Stissu fattu di prima, a matassa vannu a spruzzallu nti la facci pi dda filinìa di finistrinu graputu, cci va nti l'occhi, nti la vucca, nti la nasu, cci veni quasi quasi di scuncirtari, duna un corpu nti l'accilliraturi, ca quasi quasi si metti na para di picciriddi sutta, e scappa. Capisciu ca lu fumu hà èssiri cunnannatu, pirò...
Chi pinzari di sti cosi? Comu s'avissi a cumpurtari unu? Cci duna na muffuletta a un picciriddu, accussì ca appui a l'indumani, canuscennu la spirtizza di li vizzinisi, si vidi spuntari lu patri davanzi a la porta ca cafudda pugna e càuci? Vulissi tantu sapillu pi sapiri comu m'avissi a cumpurtari macari ju, la mè machina avìa statu purtata a lavari tri jorna fa e mi l'attrovu tutta schifiata. Oltri di cunzigghiari sempri di mittìricci li sicuri quannu passati di lu viali nun haju propiu chi dìrivi.
Vizzini a mia pari ca addiventa ogni annu sempri cchiù dilinquenti, chisti sunnu nichi cosi ca vannu a picca a picca a fari acchianari l'arteri. Si nun s'arrinesci a cuntrullari sti cosi comu è pussibbili aviri fiducia di putiri custruiri nu sanu futuru nti na terra china di anarchìa e vacanti di senziu? Lu futuru è di cui fa lu prisenti.
30/01/2008 | 5029 letture | 0 commenti
Cerca nel sito
Seguici anche su...
Pubblicità
Eventi
Articoli
RUBRICHE | Fisco e Finanza
25/01/2018 | 12311 letture
di C.B.
RUBRICHE | Terza pagina
27/07/2017 | 17235 letture
di M.G.V.
RUBRICHE | Economia
22/01/2017 | 14301 letture
di G.A.
RUBRICHE | Medicina
05/07/2016 | 12577 letture
di C.S.
Informazioni utili
- » Farmacie
- » Trasporti
- » Associazioni
Conferimento rifiuti
![[Calendario ritiro rifiuti porta a porta]](/layout/kalatambiente/0.jpg "Istruzioni e calendario per la raccolta differenziata")
Personalizza il sito
Scegli il colore del tuo layout:
Newsletter
La città e la sua gente
- » Storia
- » Personaggi
- » Emigrati
Meteo
Le previsioni per i prossimi 7 giorni a Vizzini.
Per i dettagli clicca qui.
Per i dettagli clicca qui.
Collabora e segnala
Vuoi segnalare un problema di cui InfoVizzini.it dovrebbe occuparsi?
Ti piacerebbe diventare uno dei nostri collaboratore?
Stai organizzando un evento?
Desideri inviarci una foto o un video su Vizzini?