Terza pagina
La vuliti ppi daveru sta «Rinasciuta Vizzinisi»?
Parrari. Semu tutti bravi a fallu. Sparrari. Ancora cchiù bravi. Fari? Megghiu
nun parrari.
Na qualegghié sira di Maju n'attruvamu senza sapiri lu comu e lu picchì na cumitiva di amici a passiari a Licuddìa: parra di ccà e parra di ddà e niscìu lu discursu. Picchì semu ccà? «A Vizzini nun cc'è nenti, lu paisi sta murennu, cc'è cchiù cunfusioni ccà, ca è nu paisi di 3.100 abbitanti, ca no a Vizzini ca all'anàgrafi nesci comu siddu fussi nu paisi di 6.700 abbitanti, ca li libbra di la scola n'anzìgnanu ca è lu paisi di lu granni Giuvanni Verga, ca ccà ambintau lu sò rumanzu Mastro-don Gesualdo e li sò cchiù canusciuti cunti, ntra li quali Cavalleria rusticana e Jeli il Pastore».
Ma di chi stamu parrannu? Di turìsimu? Dicemu ca funziona e nun funziona, parrannu chiaru: nun funziona. Siddu mancu li vizzinisi s'ammòvinu a Vizzini, picchì avìssiru a vèniri li turisti? E siddu poi avìssiru a vèniri, comu si pritenni di campari un paisi ccu la sula Sagra di la ricotta? Niàutri pinzamu appuntu ca accussì stamu jennu 'n contru a la morti: è chista chidda ca veni sùbbitu doppu l'abbannunu. Comu si po' jiri appressu a lu turìsimu siddu li genti làssanu la munnizza strati strati e nun fannu la cugghiuta diffirinziata? Diciti ca la curpa è di lu Cumuni, picchì nun vuliti diri ca la curpa è vostra, ma lu Cumuni havi na sò curpa limitata, lu mèritu di la munnizza strati strati è di li Vizzinisi, c'arrùmpinu buttigghi di birra 'n terra ppi fari li malantrini e ca ppi fàrisi avvìdiri ca sunnu sperti vannu a jittari li sporti di munnizza paisi paisi e campagni campagni picchì iddi nun si càlanu a fari la cugghiuta diffirinziata, picchì sunnu spacchiusi.
La cosa ca ni vinni spuntania dda sira a Licuddìa fu chista: «Nun putemu aspittari ca lu paisi mori senza fari nenti». Fu accussì ca vìnniru li tanti pruggetti, la valìa di mpignàrisi, di fàricci quantu mìnimu la prova, di pruvari a smòviri li cosi, di lamintàrini, di fari scrusciu, di fàrini avvìdiri ca semu ddà fora picchì nun ni piaci comu stannu jennu li cosi.
Nun si tratta di fari sciarri, picchì già li sciarri sunnu assai, picchì avemu a lu Cunzigghiu cumunali genti ca nun hannu a cori lu paisi, genti ca pènzanu sulu a la sò sacchetta, genti ca anveci di mpignàrisi ppi custruiri si dùnunu chi fari ppi distruiri zoccu già di bonu avìa statu fattu nti lu passatu. Genti ca - scusannu la sprissioni - si sèntinu tutti spacchiu e pìrita, ca pàrranu di ccà e pàrranu di ddà ma ca a la finuta nun fannu mai nenti comu li quacquaracquà, picchì nun vonnu fari nenti e picchì nun sannu fari nenti, genti ca s'hannu misu 'n pulìtica sulu ppi sistimàrisi, figghi di la pulìtica clīntilari ca na vota ppi tutti s'avissi a cancillari di sta terra ppi accuminciari a custruiri quarcosa, ppi fari lu beni di la Cumunitati e ppi dari nu futuru a tuttu lu paisi. A lu Cunzigghiu cumunali nun dìcinu «sta cosa nun mi piaci, facèmuni n'àutra», a lu Cunzigghiu cumunali li cosi nun si fannu picchì «tu nun mi lu dasti lu postu», «picchì tu mi fai antipatìa e nun m'antaressa nenti di lu paisi», «picchì», macari ca sta cosa è bona, «lu mè partitu nun voli ca votu a favuri». A lu Cunzigghiu cumunali li genti si pìgghianu a lignati comu li cani arraggiati e chini di zicchi campagni campagni ccu la spuma ca cci nesci di la vucca, scurdànnusi dda forma di umanitati ca hannu e attruvànnusi cuntenti nti la forma armali, quannu a mustrari li scagghiuna picchì si fannu li sgarbi ntra d'iddi peju di li picciriddi e quannu a sbàttiri la cuda calànnusi li mutanni picchì a la finuta sunnu ncunzistenti.
Vi piaci tuttu stu tiatrinu? A mia sì, sulu ca mentri di fallu a lu Cunzigghiu cumunali forsi fussi megghiu fallu a l'Òpira di li Pupi, picchì lu Cunzigghiu cumunali avissi a èssiri na cosa seria e nun fa ppi iddi, picchì a la finuta sunnu tanti pupiddi, tantu ca iu dicissi di fari lu spirimentu a la pròssima riunioni di lu Cunzigghiu annunziannu ccu lu micròfunu prima di fari accuminciari a smuvìrisi e parrari sti pupiddi: «Sintiti quantu pp'un pilu di fìmmina!». Vinissi na cosa n'anticchiedda cchiù bidduzza e puètica e arricurdassi li vecchi tempi di Rulannu mpazzutu d'amuri ppi la bedda Angèlica, cosi ca la megghia parti di li genti a lu Cunzigghiu nun sannu mancu di chi si parra.
Niàutri nun putemu suppurtari tutti sti cosi ccu l'arma tranquilla e abbacata, nun putemu stari a taliari mentri tutti pari sti cristiani si stannu manciannu lu paisi assicutannu la tantu circata prumuzzioni pulìtica, datu ca vìdinu la pulìtica comu nu sistema comu l'àutru ppi fàrisi n'anticchiedda di sordi e no comu na rispunzabbilitati. Niàutri vulemu canciari li carti 'n tàvula, vulemu prima di tuttu aviri ntiressi ppi stu paisi, fallu addivintari cchiù beddu sutta lu puntu di vista di l'òrdini, sistimari lu virdi pùbbricu ca quarcunu avissi avutu a tèniri sutta cuntrollu ma nun l'ha pututu fari picchì quarchi àutru nun lu voli o simpricimenti picchì s'avìa scurdatu ca li macchi crìscinu, sìccanu e appui pàrtinu a focu ppi grazzia divina. Vulemu appui fari pigghiari ciatu a lu paisi sutta lu puntu di vista culturali, ammigghiurannu li lochi turìstici, facennu riclami a lu paisi nti tutta para la Sicilia e l'Italia, prisantànnulu comu nu paisi urdinatu e degnu d'èssiri visitatu ppi la civiltati di li genti ca cci stannu e no sulu comu «lu paisi di Giuvanni Verga, siddu lu vuliti è chissu annunca nenti, faciti finta di nun vìdiri li strati spurtusati e la munnizza!», picchì accussì cui ppi disgrazzia s'attrova a vèniri appui nun torna cchiù mancu a pitrati.
Niàutri carusi nti stu paisi cci vulemu crìdiri, sapemu ca prima di niàutri cci hannu statu àutri genti ca cci hannu cridutu e pruvatu, ca si cci hannu mpignatu arma e corpu ppi fallu n'anticchiedda ciatari, ma ca appui hannu statu abbannunati di li stissi Vizzinisi a lu sò distinu, nun hannu statu sustinuti, anzi hannu statu ustaculati picchì a quarcunu piaci lu paisi accussì comu è, senza ca nuddu fa nenti, senza ca nuddu si duna chi fari ppi fallu vàliri, picchì a quarcunu già lu stissu fattu ca quarchidunu voli fari lu fa siddiari, anzi cc'è macari cui ti fa la pigghiata ppi fissa: «Talìa ddu babbu ca voli ammigghiurari lu paisi!». Chistu purtroppu è Vizzini.
Niàutri vulemu la «Rinasciuta Vizzinisi», vulemu 'n jornu putiri diri, grazzī a niàutri li Vizzinisi s'arrisvigghiaru, s'attaccaru ad antarissàrisi di lu paisi, tìnniru sutta occhiu l'amministratura, li fìciru travagghiari, fìciru inizziativi vuluntari ppi tèniri lu paisi comu avissi a èssiri tinutu a priscìnniri di la pulìtica e a favuri di lu bonu senziu, si custrueru nu futuru ccu li sò stissi vrazza, aumintaru li pussibbilitati di travagghiu nti lu postu, rilanciaru l'agricultura muta e morta di nun sacciu quanti anni mentri a picca chilòmitri (a Mazzarruni e 'n manera nfiriuri a Licuddìa) li genti hannu saputu fari li miliuna di euru chiantannu racina, valurizzaru la Ricotta di Vizzini facènnucci pigghiari lu marchiu Igp o Doc e facennu crìsciri lu mircatu di lu prudutturi lucali, sfruttaru lu tantu annunziatu Tiatru Grecu di la Cunzirìa ca custau 2 miliuna di euru, facènnucci cuncerti, attirannu genti a Vizzini, ammigghiuraru li nostri festi, sia riliggiusi ca làichi, ni fìciru àutri novi ppi ìnchiri la stati ca è cumpritamenti morta livannu la festa di San Giuvanni, ca ccu lu tempu si sta jennu a pèrdiri...
Niàutri vulemu fari, avemu pruggetti, avemu valìa ca nun hatu a fari finiri ccu la vostra apatìa, vulemu èssiri sustinuti di la genti, picchì siddu facemu na cosa nun la facemu ppi niàutri ma la facemu ppi viàutri, la facemu ppi cui havi n'attivitati picchì ammighiurannu l'ambienti purtamu cristiani di fora, picchì vulemu fari ciatari la nostra ecunumìa criannu li cundizzioni ppi falli arristari li carusi e falli annamurari di lu paisi, picchì lu futuru semu niàutri e siddu nun n'annamuramu niàutri di lu paisi s'accapau Vizzini, putemu ppi daveru mèttiri li tranzinni a la trasuta di lu paisi e jirinninni a circari terri cchiù filici unni già quarchidunu prima di niàutri ha saputu fari. Dunca, facìtini annamurari di stu paisi, pinzàticci bonu, facèmula veru sta Rinasciuta, mpignàtivi ccu niàutri, nun ni lassati suli, picchì firmànnuni niàutri si firmau na ginirazzioni ca cci cridi nti stu paisi, penzu macari una di l'ùrtimi ginirazzioni, picchì ntra deci anni siddu niàutri ni fìrmamu stu paisi nun cc'è cchiù. Pruvati ad ammagginàrivi lu paisi ntra deci o vint'anni cuntinuannu accussì comu stamu cuntinuannu ora nti l'apatìa ginirali e nti lu nun fari. Pinzati a la risposta ca ni putiti dari e dicìtini siddu ni vali la pena di sustinìrini. Vizzinisi, siddu vuliti sarvari stu paisi, lu sò nomu e la sò storia, cci voli mpegnu, valìa e travagghiu, siddu vi vuliti unurari di stu paisi e nun vi vuliti affruntari a dicìrivi "Vizzinisi" tuttu addipenni di viàutri. «Rinasciuta Vizzinisi» è ccà, ca si voli mpignari, nun ni lassati suli. L'armali sìmmulu di Vizzini è lu cuccu, tantu ca una di li cchiù antichi zoni di lu paisi pigghia lu sò nomu, n'aceddu di sempri alliatu ccu li riti di la maggìa, vittu di li cchiù anziani comu annunziaturi di morti ed eventi suprannaturali, l'armali prifirutu di la dea greca Athena. Niàutri vulemu pàrtiri macari di lu ricupiru di lu passatu e forsi ccu n'anticchiedda di maggìa participativa putemu sarvari stu paisi, ma accamora la nostra vuci è comu chidda di lu cuccu nti lu menzu di la notti: fa n'anticchiedda siccari, ma è sulitaria. Ajutàtini a fari tràsiri lu paisi di novu nti la maggìa e nti li cridenzi pupulari ca lu strìnginu tuttu nti storī fora di lu tempu, picchì forsi sulu n'anticchiedda di maggìa lu pò sarvari.
Na qualegghié sira di Maju n'attruvamu senza sapiri lu comu e lu picchì na cumitiva di amici a passiari a Licuddìa: parra di ccà e parra di ddà e niscìu lu discursu. Picchì semu ccà? «A Vizzini nun cc'è nenti, lu paisi sta murennu, cc'è cchiù cunfusioni ccà, ca è nu paisi di 3.100 abbitanti, ca no a Vizzini ca all'anàgrafi nesci comu siddu fussi nu paisi di 6.700 abbitanti, ca li libbra di la scola n'anzìgnanu ca è lu paisi di lu granni Giuvanni Verga, ca ccà ambintau lu sò rumanzu Mastro-don Gesualdo e li sò cchiù canusciuti cunti, ntra li quali Cavalleria rusticana e Jeli il Pastore».
Ma di chi stamu parrannu? Di turìsimu? Dicemu ca funziona e nun funziona, parrannu chiaru: nun funziona. Siddu mancu li vizzinisi s'ammòvinu a Vizzini, picchì avìssiru a vèniri li turisti? E siddu poi avìssiru a vèniri, comu si pritenni di campari un paisi ccu la sula Sagra di la ricotta? Niàutri pinzamu appuntu ca accussì stamu jennu 'n contru a la morti: è chista chidda ca veni sùbbitu doppu l'abbannunu. Comu si po' jiri appressu a lu turìsimu siddu li genti làssanu la munnizza strati strati e nun fannu la cugghiuta diffirinziata? Diciti ca la curpa è di lu Cumuni, picchì nun vuliti diri ca la curpa è vostra, ma lu Cumuni havi na sò curpa limitata, lu mèritu di la munnizza strati strati è di li Vizzinisi, c'arrùmpinu buttigghi di birra 'n terra ppi fari li malantrini e ca ppi fàrisi avvìdiri ca sunnu sperti vannu a jittari li sporti di munnizza paisi paisi e campagni campagni picchì iddi nun si càlanu a fari la cugghiuta diffirinziata, picchì sunnu spacchiusi.
La cosa ca ni vinni spuntania dda sira a Licuddìa fu chista: «Nun putemu aspittari ca lu paisi mori senza fari nenti». Fu accussì ca vìnniru li tanti pruggetti, la valìa di mpignàrisi, di fàricci quantu mìnimu la prova, di pruvari a smòviri li cosi, di lamintàrini, di fari scrusciu, di fàrini avvìdiri ca semu ddà fora picchì nun ni piaci comu stannu jennu li cosi.
Nun si tratta di fari sciarri, picchì già li sciarri sunnu assai, picchì avemu a lu Cunzigghiu cumunali genti ca nun hannu a cori lu paisi, genti ca pènzanu sulu a la sò sacchetta, genti ca anveci di mpignàrisi ppi custruiri si dùnunu chi fari ppi distruiri zoccu già di bonu avìa statu fattu nti lu passatu. Genti ca - scusannu la sprissioni - si sèntinu tutti spacchiu e pìrita, ca pàrranu di ccà e pàrranu di ddà ma ca a la finuta nun fannu mai nenti comu li quacquaracquà, picchì nun vonnu fari nenti e picchì nun sannu fari nenti, genti ca s'hannu misu 'n pulìtica sulu ppi sistimàrisi, figghi di la pulìtica clīntilari ca na vota ppi tutti s'avissi a cancillari di sta terra ppi accuminciari a custruiri quarcosa, ppi fari lu beni di la Cumunitati e ppi dari nu futuru a tuttu lu paisi. A lu Cunzigghiu cumunali nun dìcinu «sta cosa nun mi piaci, facèmuni n'àutra», a lu Cunzigghiu cumunali li cosi nun si fannu picchì «tu nun mi lu dasti lu postu», «picchì tu mi fai antipatìa e nun m'antaressa nenti di lu paisi», «picchì», macari ca sta cosa è bona, «lu mè partitu nun voli ca votu a favuri». A lu Cunzigghiu cumunali li genti si pìgghianu a lignati comu li cani arraggiati e chini di zicchi campagni campagni ccu la spuma ca cci nesci di la vucca, scurdànnusi dda forma di umanitati ca hannu e attruvànnusi cuntenti nti la forma armali, quannu a mustrari li scagghiuna picchì si fannu li sgarbi ntra d'iddi peju di li picciriddi e quannu a sbàttiri la cuda calànnusi li mutanni picchì a la finuta sunnu ncunzistenti.
Vi piaci tuttu stu tiatrinu? A mia sì, sulu ca mentri di fallu a lu Cunzigghiu cumunali forsi fussi megghiu fallu a l'Òpira di li Pupi, picchì lu Cunzigghiu cumunali avissi a èssiri na cosa seria e nun fa ppi iddi, picchì a la finuta sunnu tanti pupiddi, tantu ca iu dicissi di fari lu spirimentu a la pròssima riunioni di lu Cunzigghiu annunziannu ccu lu micròfunu prima di fari accuminciari a smuvìrisi e parrari sti pupiddi: «Sintiti quantu pp'un pilu di fìmmina!». Vinissi na cosa n'anticchiedda cchiù bidduzza e puètica e arricurdassi li vecchi tempi di Rulannu mpazzutu d'amuri ppi la bedda Angèlica, cosi ca la megghia parti di li genti a lu Cunzigghiu nun sannu mancu di chi si parra.
Niàutri nun putemu suppurtari tutti sti cosi ccu l'arma tranquilla e abbacata, nun putemu stari a taliari mentri tutti pari sti cristiani si stannu manciannu lu paisi assicutannu la tantu circata prumuzzioni pulìtica, datu ca vìdinu la pulìtica comu nu sistema comu l'àutru ppi fàrisi n'anticchiedda di sordi e no comu na rispunzabbilitati. Niàutri vulemu canciari li carti 'n tàvula, vulemu prima di tuttu aviri ntiressi ppi stu paisi, fallu addivintari cchiù beddu sutta lu puntu di vista di l'òrdini, sistimari lu virdi pùbbricu ca quarcunu avissi avutu a tèniri sutta cuntrollu ma nun l'ha pututu fari picchì quarchi àutru nun lu voli o simpricimenti picchì s'avìa scurdatu ca li macchi crìscinu, sìccanu e appui pàrtinu a focu ppi grazzia divina. Vulemu appui fari pigghiari ciatu a lu paisi sutta lu puntu di vista culturali, ammigghiurannu li lochi turìstici, facennu riclami a lu paisi nti tutta para la Sicilia e l'Italia, prisantànnulu comu nu paisi urdinatu e degnu d'èssiri visitatu ppi la civiltati di li genti ca cci stannu e no sulu comu «lu paisi di Giuvanni Verga, siddu lu vuliti è chissu annunca nenti, faciti finta di nun vìdiri li strati spurtusati e la munnizza!», picchì accussì cui ppi disgrazzia s'attrova a vèniri appui nun torna cchiù mancu a pitrati.
Niàutri carusi nti stu paisi cci vulemu crìdiri, sapemu ca prima di niàutri cci hannu statu àutri genti ca cci hannu cridutu e pruvatu, ca si cci hannu mpignatu arma e corpu ppi fallu n'anticchiedda ciatari, ma ca appui hannu statu abbannunati di li stissi Vizzinisi a lu sò distinu, nun hannu statu sustinuti, anzi hannu statu ustaculati picchì a quarcunu piaci lu paisi accussì comu è, senza ca nuddu fa nenti, senza ca nuddu si duna chi fari ppi fallu vàliri, picchì a quarcunu già lu stissu fattu ca quarchidunu voli fari lu fa siddiari, anzi cc'è macari cui ti fa la pigghiata ppi fissa: «Talìa ddu babbu ca voli ammigghiurari lu paisi!». Chistu purtroppu è Vizzini.
Niàutri vulemu la «Rinasciuta Vizzinisi», vulemu 'n jornu putiri diri, grazzī a niàutri li Vizzinisi s'arrisvigghiaru, s'attaccaru ad antarissàrisi di lu paisi, tìnniru sutta occhiu l'amministratura, li fìciru travagghiari, fìciru inizziativi vuluntari ppi tèniri lu paisi comu avissi a èssiri tinutu a priscìnniri di la pulìtica e a favuri di lu bonu senziu, si custrueru nu futuru ccu li sò stissi vrazza, aumintaru li pussibbilitati di travagghiu nti lu postu, rilanciaru l'agricultura muta e morta di nun sacciu quanti anni mentri a picca chilòmitri (a Mazzarruni e 'n manera nfiriuri a Licuddìa) li genti hannu saputu fari li miliuna di euru chiantannu racina, valurizzaru la Ricotta di Vizzini facènnucci pigghiari lu marchiu Igp o Doc e facennu crìsciri lu mircatu di lu prudutturi lucali, sfruttaru lu tantu annunziatu Tiatru Grecu di la Cunzirìa ca custau 2 miliuna di euru, facènnucci cuncerti, attirannu genti a Vizzini, ammigghiuraru li nostri festi, sia riliggiusi ca làichi, ni fìciru àutri novi ppi ìnchiri la stati ca è cumpritamenti morta livannu la festa di San Giuvanni, ca ccu lu tempu si sta jennu a pèrdiri...
Niàutri vulemu fari, avemu pruggetti, avemu valìa ca nun hatu a fari finiri ccu la vostra apatìa, vulemu èssiri sustinuti di la genti, picchì siddu facemu na cosa nun la facemu ppi niàutri ma la facemu ppi viàutri, la facemu ppi cui havi n'attivitati picchì ammighiurannu l'ambienti purtamu cristiani di fora, picchì vulemu fari ciatari la nostra ecunumìa criannu li cundizzioni ppi falli arristari li carusi e falli annamurari di lu paisi, picchì lu futuru semu niàutri e siddu nun n'annamuramu niàutri di lu paisi s'accapau Vizzini, putemu ppi daveru mèttiri li tranzinni a la trasuta di lu paisi e jirinninni a circari terri cchiù filici unni già quarchidunu prima di niàutri ha saputu fari. Dunca, facìtini annamurari di stu paisi, pinzàticci bonu, facèmula veru sta Rinasciuta, mpignàtivi ccu niàutri, nun ni lassati suli, picchì firmànnuni niàutri si firmau na ginirazzioni ca cci cridi nti stu paisi, penzu macari una di l'ùrtimi ginirazzioni, picchì ntra deci anni siddu niàutri ni fìrmamu stu paisi nun cc'è cchiù. Pruvati ad ammagginàrivi lu paisi ntra deci o vint'anni cuntinuannu accussì comu stamu cuntinuannu ora nti l'apatìa ginirali e nti lu nun fari. Pinzati a la risposta ca ni putiti dari e dicìtini siddu ni vali la pena di sustinìrini. Vizzinisi, siddu vuliti sarvari stu paisi, lu sò nomu e la sò storia, cci voli mpegnu, valìa e travagghiu, siddu vi vuliti unurari di stu paisi e nun vi vuliti affruntari a dicìrivi "Vizzinisi" tuttu addipenni di viàutri. «Rinasciuta Vizzinisi» è ccà, ca si voli mpignari, nun ni lassati suli. L'armali sìmmulu di Vizzini è lu cuccu, tantu ca una di li cchiù antichi zoni di lu paisi pigghia lu sò nomu, n'aceddu di sempri alliatu ccu li riti di la maggìa, vittu di li cchiù anziani comu annunziaturi di morti ed eventi suprannaturali, l'armali prifirutu di la dea greca Athena. Niàutri vulemu pàrtiri macari di lu ricupiru di lu passatu e forsi ccu n'anticchiedda di maggìa participativa putemu sarvari stu paisi, ma accamora la nostra vuci è comu chidda di lu cuccu nti lu menzu di la notti: fa n'anticchiedda siccari, ma è sulitaria. Ajutàtini a fari tràsiri lu paisi di novu nti la maggìa e nti li cridenzi pupulari ca lu strìnginu tuttu nti storī fora di lu tempu, picchì forsi sulu n'anticchiedda di maggìa lu pò sarvari.
12/07/2011 | 4762 letture | 0 commenti
Cerca nel sito
Seguici anche su...
Pubblicità
Eventi
Articoli
RUBRICHE | Fisco e Finanza
25/01/2018 | 12311 letture
di C.B.
RUBRICHE | Terza pagina
27/07/2017 | 17235 letture
di M.G.V.
RUBRICHE | Economia
22/01/2017 | 14301 letture
di G.A.
RUBRICHE | Medicina
05/07/2016 | 12577 letture
di C.S.
Informazioni utili
- » Farmacie
- » Trasporti
- » Associazioni
Conferimento rifiuti
![[Calendario ritiro rifiuti porta a porta]](/layout/kalatambiente/0.jpg "Istruzioni e calendario per la raccolta differenziata")
Personalizza il sito
Scegli il colore del tuo layout:
Newsletter
La città e la sua gente
- » Storia
- » Personaggi
- » Emigrati
Meteo
Le previsioni per i prossimi 7 giorni a Vizzini.
Per i dettagli clicca qui.
Per i dettagli clicca qui.
Collabora e segnala
Vuoi segnalare un problema di cui InfoVizzini.it dovrebbe occuparsi?
Ti piacerebbe diventare uno dei nostri collaboratore?
Stai organizzando un evento?
Desideri inviarci una foto o un video su Vizzini?